CERKOT (Cerite Konot) "Preman Medan Kona Ilet"

By tgadmin 29 Mar 2014, 10:42:33 WIBcerpen

CERKOT (Cerite Konot) "Preman Medan Kona Ilet"

Ben-ben ni, luah ruhul, Pang Uten, Sane, dan Kemang beluh nekik ku Kelitu.
Imah pakeni renye kik, pakan udang dan pemanganen seperlue. Sekire jem 5 yo, ara seseger jentikke. Ara juga beberapa kona walau kucak. |

Nge sara jem nekik, tibe-tibe geh kekanak setempat si kire-kire berumur sepuluh tun. Kekanakka juga mah kik antus.  Renye icerakie pake tulu si tengah nekik ni. |

Kekanak: Yah Bang, selo lagu oya cara tegue. Kerastu ya. Ke tir meh pakan e. |

Pang Uten: Kune keta Win? |

Kekanak: Arih-arih carae Bang. Manea Bang ge, jema ara nekik isien Bang, tapi ketol pakanne. Ara kona jaher keul, bawal pe ara. |
Kekanak ni becerite naru renye ku pake tulu ni. |

Pang Uten: Memange mera kona bawal urum ketol Win? |

Kekanak: Ke mera Bang yoh, nabang ni, masa gere pehem. |

Sane: Yah tue di cerak ni kekanakni. Nge lagu jagon pe we urum caleg besiloni (kene Sane wan atewe). |

Kemang: Isi ara kotol Win? |

Kekanak: Ara iso juel Bang? Mera ke Abang, kati aku mubelie. |

Pang Uten: Boh win, ibelinko lime ribu dih. Weten kin ko lime ribu, ulaken kuaku sepuluhmi. (Sambil menyerahkan uang Rp 20.000). |

Kekanak: Bohmi Bang (berlalu meninggalkan pake tulu). |

Si tulu ni lanjut renye nekik sesire nampin kekanak mah ketol. Berdasar penyederen kekanakne, pake ni berharap, ike ara ketol mera kona jaher kul atau bawal.
Tapi, nge hampir megrib, kekanakni grara ne teridah, apalagi mah ketol. |

Pang Uten: Iyah, kusi nge kekanakni gere geh-geh. Nampak e iletie kite ni pake |

Sane: Hahaha

Kemang: Iyah pake, mokot e aku kuliah i Medan, gere penah kona ilet. Nguk i Kelitu ni kona ilet. Kekanak mien niletie. Penting memang Win oyane ya. Mah e kik antus, nampak e modus pelin ya.
Memang penting nge kemajuen kekanakni. |

Pang Uten: Bohmi, rejeki e ya. Nampak e caleg-caleg ni perlu belejer ku win a ya. Hahaha. |(Pang Uten Sane Kemang).
Write a Facebook Comment

Tuliskan Komentar anda dari account Facebook