Home Aceh Tengah Arwin Mega Ajak Membangun Aceh Tengah Secara Bersama-Sama

Arwin Mega Ajak Membangun Aceh Tengah Secara Bersama-Sama

575
0

Takengon, tanohgayo.com-Dewan Perwakilan Rakyat Kabupaten (DPRK) Aceh Tengah gelar rapat paripurna Hari Jadi ke 445 Kota Takengon (1577-2022), Kamis 17/2/2022).

Seperti tahun sebelumnya, khusus paripurna Hari Jadi Kota Takengon, seluruh rangkaian sidang bernuansa dan bahasa Gayo.

Paripurna HUT Ke 455 Kute Takengen, sebahagian besar anggota DPRK Aceh Tengah kali ini mengenakan Jembolang (penutup kepala motif kerawang Gayo) serta atribut kerawang Gayo.

Ketua DPRK Aceh Tengah, Arwin Mega memimpin sidang dengan menyampaikan pidato dengan berbahasa Gayo.

Arwin Mega mengajak seluruh komponen masyarakat untuk membangun Aceh Tengah secara bersama-sama, jangan saling membenci dan menjatuhkan. Sehingga sumbangsih semua pihak dapat menjadi penyokong pembangunan daerah yang diwariskan kepada generasi penerus.Apa yang telah diperbuat selama ini, kiranya menjadi teladan bagi generasi mendatang.

Berikut amanat dalam sambutan Ketua DPRK Aceh Tengah dalam bahasa Gayo;

Lagu si nge i bueten sebeleme, biasae i ketike jep tanggal 17 ulen due, jep tun ne kite  munaran sinte, oyale  muningeti lo jadi ni Kute Takengen, si seni nge berumur 445 tun. Sinte si kite bueten seni, oya ujud sukurte ku tuhen Allah SWT, si nge munosah rahmat orum kurnia e ku kite, lagu si nge kite rasanen seni, limpahen rahmat orum berkahe, si nge sawah ku kite, gere terkirei nikmatte.

Wan ujud rasa sukurte ni ku Allah SWT,  tentu e kite turah muninget, sana singe kite bueten sebelume, kin kemajuen rayat te, i tanoh gayoni, baik besilo maupun puren, silayak pantas kite turuhen ku generasinte, kire  e janyinte kurayat kite rupen, enti sampe ara kebutuhen ne si terlupenen, gelah cerdik, lisik, bidik kite munetahi negeri ni, enti sampe remalan tar puren kunul te tar duru.

Keta ike salah, sana si nge i perbuet boh kite tegahi orum-orum, keta ike benar pe, boh gelah kite papahi rami-rami, enti sawah bersitipak dagun sesabi dirinte. “ratip musara nanguk nyawa musara peluk”

Buge urum keramat mupakat te, morom-morom kite behu berdedele, ku arapen miyen, buge nguk kite kin tumuk tupang, tetah tentu ni generasinte kase, renye sawah ku munetahi nenggerinte ni, ku si jeroh belangie, nguk kite kin conto teleden ku generasinte kuarap, te buet ni iberet “edung bertetunung tali puter tige”, lagu manat petenah ari muyang datunte pudahna, boh gip kite ari seteru jarak kite ari bele.

Sana si nge kite rasanen seni, si i turun Tuhen ku dunie ni, ari muloi mata lo ku elupen, bik ari kiser kuwen ku kiser kiri, nge meh i rayi penyakit, nge meh gelana usaha ni umet manusie ni.  si kerna oya perlu kire e, ketier orum do’ante morum-morum, ku tuhente si sara, si ara gelep si gere terang,  boh “jarak sekalien bele, tawar sekalien bise, keta gip mi ari seteru”.  gelah morum kite lagu rerum, musapat lagu lepat, “gelah sepapahsepupuh, kite munedepi oya, enti besitulak deki antara kite orum kite”

Kemuduk ni ari oya lagu ling sine, “ratip musara nanguk, nyawa musara peluk” oya simehate gelah kite tunungen morum-morum, gelah rempak kite langkah musara naleh, remalante betungket, keta perintepe gelah berabun, ike kite nge besipapahen, salahte pe nge besitegahen, oya nge terang tentu, tertip te bermajelis, umette bermulie.  ini le hakikete kite muningeti lo jadi ni Kute Takengen si 445 tun ni.

Orum sinte si ketike seni, boh kite sesuk bejeningket uwet, keta kunul berlembuku, keta gelah bersi enumen, orum bersidoleten, kite rum kite. Buetni gelah bersitunungen, boh enti sawah mubelah bersi, ike ku bur orum-orum munangkok, keta ike ku paluh pe, gelah orum-orum mungilih, boh buge kite orum kite mununung manat ni muyang datunte, pudahna “beret bertali penulung, selput bertali penyamung”.

Sudere-sudere bewene si kami pemeliyei rum sudere si berbahgie si ara wan batang ruangni

Genap ingen nini we, si kami sawahen, i wan rapat paripurna istimewa ni, keta ijinen kami pimpinen orum tarik ni rayat genap mupakat aceh tengah, munyawah ni selamat lo jadi ni Kute Takengen terketike 445 umur ni Kute Takengen. buge ari ni kuarap kite dor i wan perala ni allah swt, aamiin yarabbal ‘alamin.

Berijin ku tuah bahgiente ama, ine, rum sudere-suderengku bebewene, tabi rum ma’af, ike ara salah luah kata, si gere menurut nenggeri antara,  salah luah peri mestike, si gere menurut nenggeri linge.

kur………. semangat gayongku

Berijin kami sawahen ku ama, ine, tuah bahgiye, lebih kurang, gelah beruet rum bertamah, maap ku tuah bahgiye ampun ku Allah SWT.(redaksi)